Overblog Suivre ce blog
Editer l'article Administration Créer mon blog
22 janvier 2016 5 22 /01 /janvier /2016 07:43

 

 

 

1490, 27 février. -Anne etc. a touz etc, salut. Comme par avant ces heures ayons pryé et donné charge à nostre cousin le conte de Dunoys de retirer et recouvrer des mains de Guillaume de Susplenville et touz autres les bagues cy après déclairées, savoir : une grosse poincte de dyamant à pluseurs carrez tirant sur le jaune, enchâssée en ung chaton d'or, et une fleur-de-Marie pendant en une petite chaisneete, pesant ensemble une once ung gros et demi. Item ung cueur de dyamant plat dessus et desoubz, à pluseurs faces, enchâssé en ung chaton d'or en une fleur-de-Marie, pesant sept gros ung denier. Item une seye d'or où a troys dyamans en escusson et l'un à feste, ung gros ruby au milieu, et sept petites tablettes de diamant, et quatre perles pendantes, une grosse perle ronde a ung petit perthuys qui fut à Jehan de Beaune, lesquelles avoient esté baillées en gaige et pour seurté de certaines sommes de finances à nostre cher et bien amé Jehan Boudet qui les avoit baillées audit de Suplenville, Savoir faisons que nous, considerans les grans affaires et charges que présentement avons, au moyen de quoy nous est requis avoir et recurer présentement fluances, à plain nous conflans ès sens et bonne loiaulté envers nous de nostredit cousin de Dunays et de ses conduicte et dilligence, à icelui avons donné et donnons par ces presentes planiere puissance et auctorité de engaiger ou vendre les dictes bagues a telles sommes et pour tel prins que mieulx à nostre proufilt il regardera et congnoestra estre à faire, tout ainsi que nous mesmes faire le pourrions ; promectant et promectons avoir ferme et agréable ce que par nostredit cousin en sera fait, sans jamais en faire revocacion ne aller au contraire. En tesmoign de ce nous avons signé ces présentes de nostre main et fait sceller de nostre seel, Donné en nostre ville de Rennes, le XXVIIe jour de fevrier l'an mil IIIIc IIIIxx neuff. Ainsi signé, Anne Par la Duchesse, de son commandement, (signé) G, de Forestz. Scellé à Rennes, le dernier jour de février (1490).

 

 

Partager cet article

Repost 0
Published by poudouvre
commenter cet article

commentaires