Overblog Suivre ce blog
Editer l'article Administration Créer mon blog
16 juillet 2017 7 16 /07 /juillet /2017 06:25

 

 

Escuyer Jean de Partenay, seigneur dudit lieu & du Boisbrient print en mariage Jeanne de Bintin, & en eut un fils nommé


 


 

Jean de Partenay, seigneur dudit lieu & du Boisbrient. Il espousa Damoiselle Guillemette Lebart, fille d'Escuyer Bertrand Lebart, &  d’une Damoiselle aussi appellee Guillemette dont je n’ay trouvé le surnom, de laquelle il eut les enfans cy-apres de nommez. ll mourut au mois de Decembre, l’an 1434. Il fonda un Obit de quarante sols en l'Eglise de Sainct Pierre de Renes , & sa femme Guillemette Lebart y en fonda un de cent sols. Enfans.


 


 

Michel de Partenay, duquel sera parlé cy-apres.


 

Maistre Jean de Partenay fut en son vivant Doyen de Sainct Brieuc, Chanoine de Renes, Recteur de Betton, & de Sainct Elle ou Eloy de Montauban, & Conseiller du Duc.


 

Frere Armel de Partenay fut Prieur des Prieurez de Combour & de Sainct Cire, lez Renes.


 

Jeanne de Partenay, mariee avec noble homme Messire Jan Heriçon, sieur de la ville Helouin, fils de Messire Bertrand Heriçon, & de Philipote Ruffier. Elle mourut à Sainct Jacques en Galice, où elle estoit allee par devotion,avec son mary, & fut son corps inhumé en l'Eglise des Jacobins de la ville de Compostelle.


 

Herviette de Partenay femme en premieres nopces de noble homme Olivier de Matigné sieur de Beauchesne, duquel elle eut Raoulet de Marigné sieur de Beauchesne, Ambroise de Marigné mariée auec noble home Jean Josse seigneur de la Josselinay & Georgette de Marigné. En secondes ladicte Herviette fut mariée avec noble homme Jean du Chastelier sieur dudit lieu, en la Parroisse de Cornu.

 

 

 

Messire Michel de Partenay, seigneur dudict lieu & du Boisbrien fils de Jean susdict & de Guillemette Lebart, print en mariage Perrine de la Boissiere dame dudit lieu, fille de Messire Guillaume de la Boissiere Chevalier & de Nicole de St. Remy fut en son temps un grand homme d’Estat, & eut & exerça des Offices & charges honorables sous cinq Ducs de Bretagne, Jan V, François Ier, Pierre II, Artur III & François II. & soubs la Royne Duchesse Anne, du temps de laquelle il mourut l'an 1494. sous le Roy Charles VII, & Charles de Bourgongne, fils du Duc Philippe de Bourgongne.) Comte de Charolois puis Duc de Bourgongne. Il fut Conseiller & Chambellan desdicts Ducs de Bretaigne ses seigneurs souverains, grand Maistre des monnoyes de Bretaigne, Connestable de Fougeres & de Renes, Capitaine & garde des villes Chasteaux & forteresses de Fougeres & de Sainct Aubin du Cormier, Maistre & garde des bois & forests de Renes, de Sainct Aubin du Cormier, de Fougeres & de Ville cartier Escuyer d'Escurie du Roy Charles septiesme & Conseiller & Chambellan dudict Charles Comte de Charolois & Duc de Bourgongne. L’an 1449. le Roy Charles VII. Par ses lettres données â Louviers l'huictiesme d'Octobre luy donna la Capitainerie de la ville & Chasteau de Vire en Normandie encore detenu par les Anglois, à en jouir lots qu'il seroit repris sur lesdits Anglais. L'an 1450. le Duc Pierre par lettres au Chasteau de Lermine a Vennes le 2.0. de juillet signées de Coetlogon, descharge ses amez & feaux Chevalier Chanbelan & escuyer Robert d'Espinay, Richard d'Espinay, & Guyon d'Espinay, de la Capitainerie & garde des ville & Chasteau de Sainct Aubin du Cormier Pour la bailler audict Messire Michel de Partenay qui estoit lors Connestable de Renes & de Fougeres, & garde des bois dudit Fougeres & de Ville-cattier, & l'an mesme Iedit de Partenay & Messire Jean de Villeblanche Chevalier aussi Conseiller & Chambelan du Duc, firent eschange & permutation de leurs offices & estats devant ledit Duc : c'est assavoir que les dit de Pattenay quitta & delaissa audit de la Villeblanche la Connestablie de Renes, & ledit de Villeblanche luy bailla & delaissa l'office de Sousgarde & vendeur des bois & forests de Renes & de Sainct Aubin du Cormier. Ce que ledit Duc consentit & approuva par ses lettres donées à Chartes le 23. d'Octobre audit an 1450 lesquelles furent leuës & publiées és plects des Forests au siege de Sainct Aubin le 5. de Nouembre audit an. Le Roy Charles VII. par ses lettres données a Escouché l'unziesme Aouſt l'an 1450. en consideration des grands services que ledit de Partenay son cher & bien aimé escuyer luy avoit faits au fait de ses guerres à la recouvrance de ses pays & Duché de Normandie tant en la compagnie de son nepveu le Duc Francois dernier trespassé, comme encelle de son nepveu le Duc Pierre vivant lors, qu’autrement en maintes manieres, luy donna l'estat & office d'Escuier d’Escurie de France pour servir desormais audit office aux gage, hostelages, livraisons, droicts, honneurs & profits accoustumez. Et pour la confiance que ledit sieur Roy avoit des sens, loyauté, preudomie & bonne diligence dudit messire Michel, il le retient pour son Conseiller, pour estre & assister en ses Conseils & affaires & le servir desormais audit office & estat de Conseiller, aux gages, hôneurs, prerogatives, preéminences, droits profits & esmoluments accoustumez & qui y appartienent. A raison duquel estat & office de Conseiller il presta le sermen és mains du Chancelier le 24. d’Aoust audit an. L'an 1451. le 9. de janvier il & sa femme Perrine de la Boissiere aquirent la terre & seigneurie de la Rigaudiere comme dit est cy devant, auquel an le Roy Charles VII. le dechargea de la Capitainerie de Vire, en ayant donné la seigneurie & Capitainerie à Artur de Bretagne Comte de Richemont Conestable de France. Le Duc Pierre II par lettres données a l'Estreinc ou l'Estrenic les Venes luy donna permission& privilege de lever avoir otenir perpetuellement pour luy & ses hoirs une justice patibulaire a trois posts en ses terres de Parrigné sainct Estienne & Racinoux, appartenantes a Jean de Partenay son fils & à sa femme Bonne le Bouteillier seigneur & Dame desdits lieux le vingt-uniesrne d'Octobre l’an 1455.

Par letres datées du 25.de Fevrier l'an 1456. messire Jean Raguenel dit de Malestroit, sire de Malestroit & de Largouen Mareschal de Bretagne, Capitaine & garde des villes & Chasteau de Fougeres, se desmet volontairement desdites Capitainerie & Garde en faveur dudit messire Michel, le Duc Pierre le voulant ainsi qui incontinent en pourveut ledit de Partenay son Conseiller & chambellan,& ledit de Malestroit par lettres dattées du 4. de Mars audit an confesse avoir receu dudit sire de Partenay Grand maistre des monnoyes de Bretagne les sommes de deux cents escus neufs & douze vingt livres. monnaie, pour la capitainerie de Fougeres. L'an 1461. le 29. de May Perrine de la Boissiere Dame de Parrigné premiere femme dudit Messire Michel mourut à Renes & fut enterrée en l'Eglise de Sainct Pierre, où elle fonda un Obit de cent sols monnoye. Et le 19. jour d'Aoust ensuivant le Duc François second du nom donna à fon amé & feal Conseiller & Chambelan Messire Michel de Partenay le bail de ladite terre de Parrigné escheuë audit Duc par le deces de ladite Perrine, laquelle laissa un fils & deux filles à sondit mary, sçavoir :

Jean,

Guyonne

& Olive de Partenay.


 


 

L'an 1465, le premier jour de May Charles de Bourgongne, Comte de Charolois, seigneur de Chasteau-Belin & de Bethune lieutenant General du Duc Philippe nostre pere, pour les grands sens, prudence & preudomie, vertus, discretion & vaillance estants en personne de nostre tres-cher & bien-aymé Messire Michel de Partenay Chevalier seigneur de Parrigné, iceluy seigneur de Partenay nous confians a plein de ses loyauté & bonne diligence avons & retenu & retenons en nostre Conseiller & Chambelan aux honneurs droits, prerogatives, libertez, franchises, proffits, & emolumens accoustumez, & qui y appartiennent. Donné a Bruxelles, & sont les lettres signées & scellées en forme authentique. Le Duc François second reduisant en memoire les bons & agreables services que par avant ces heures de long temps, son bien-aymé & feal Conseiller & Chambelan Michel de Partenay Chevalier sieur de Parrigné avoit faits tant à ses predecesseurs qu’à luy par l'espace de quarante ans ou plus à grandes peines, mises & travaux, dont il estoit-digne de remuneration, voulut (pour exemple donnera ses autres serviteurs de bien & loyaument & plus curieusement le servir) l'en recognoistre & recompenser, luy donna & ordonna pension annuelle de quatre cents livres monnoye de rente & prendre sur les premiers & plus liquides deniers de la recepte de Renes pour luy ayder à entretenir son estat jusques à sa mort, à commancer icelle pension au premier jour d'Octobre l'an 1468. Donné a Nantes le 29. de Decembre audit an. L'an suivant 1469. il se remaria avec Clemence de la Fueillée soeur de Jacques de la Fueillee Chevalier seigneur de la Rubaudiere, du Bourg-neuf, du Leroux, de Landamere & fille de Messire Olivier dela Fueillee sieur desdits lieux & de Jeanne de Coesmes Dame du Loroux, de Landamere & de Succé. De ce mariage n'y eut enfans. L'an 1489. il fonda & dota la Chapelenie de la Magdelene en son Chasteau de la Rigaudiere, puis mourut à Renes l'an 1490. & fut inhumé auprès de sa premiere femme en l'Eglise de Sainct Pierre où il fonda aussi un Obit, & y donna des Coupes & autres Vases d'argent pour faire un Calice.

Parlons maintenant de ses enfans, & premierement de ses deux filles. Yvonne de Partenay aisnée fut mariée avec noble Escuyer Jean le Vayer Chevalier seigneur de Fouesnel, le contract de mariage en fut fait & passé au Chasteau de Sainct Aubin du Cormier le 27. de Decembre l'an 1452 & les fiançailles le 21. de Janvier ensuivant audit lieu.


 

Olivie de Partenay fut mariée avec noble homme René de Montbourcher seigneur dudit lieu, du Pinel & de la Roche Montbourcher. Elle eut le lieu maison, terre & seigneurie de la Houssaye acquis sondit pere Michel & le petit Bois le tout en la paroisse de Partenay Evesché de Resnes. Elle mourut en May l’an 1488.


 

Jean de Partenay, fils de Messire Michel de Partenay & de Perrine de la Boissiere, succeda à sa mere à la seigneurie de Parrigné l’an susdit. II espousa Perrine le Bouteiller par autres appellee Bonne fille de Messire Georges le Bouteiller seigneur de la Chesnaye & de Marie de Ia Fuëeillée fille d'Olivier de la Fueillée sieur de la Rubaudiere & de Jeanne de Goesmes Dame du Loroux, & en eut deux fils & deux filles, sçavoir


 


 

Giles de Partenay, seigneur de Sainct Estienne, qui mourut avant pere & mere.


 


 

Artur de Partenay, sieur de Sainct Estienne mourut aussi sans enfans avant pere & mere.


 


 

Françoise de Partenay, aisnée qui mourut avant son pere l’an 1483 & fut mariée avec Escuyer Jean de Lorgeril seigneur dudit lieu & du Bodou & duquel mariage issit la susdite Guyonne. de Lorgeril premiere femme de Jean de Rohan seigneur de Lâdal 8c de Coairon.


 


 

Clemence de Partenay femme de Louys de Quenequen seigneur de Quenarts ou Crenacs.


 

Ledit Iean de Partenay espousa en secondes nopces Marie Guybé fille aisnee de Messire Adenet Guybé & d’Olive Landais, sœur du Thresorier Pierre Landais,de laquelle il n'eut point d’enfans. Il estoit Capitaine du Chasteau de Landal & fut tue a la rencontre de Sainct Aubin du Cormier le 28. de juillet lan 1488. Sa veuve Marie Guibe eut la terre de Parrignë pour douaire & se remaria avec Brient de Chasteau Brient seigneur d'Oranges comme conste par l'acte date du 10. de Novembre l’an 1503. auquel il s'appelle sieur d'Oranges & de Parrigner Son testament est daté du premier jour de janvier l’an 1507. more Romano, par lequel elle eslit sa sepulture au Chanceau de l'Eglise de Parrigné.

 

La famille de Partenay, alias de Parthenay était présente à la Roche en Plumaugat, au Menu Bois en Trémeur, Saint Régent en Lanrelas (voir Les villages de Plumaugat, page n° 7 - histoire de Trémeur, page n° 6 -histoire de Lanrelas, page n° 5, manoir de Saint Régent)

Partager cet article

Repost 0
Published by poudouvre
commenter cet article

commentaires