Faits et gestes des villageois des environs de Rennes au XVIe siècle. Extrait de Propos rustiques de maistre Léon Ladulfi, Champenois par Noël du Fail, page n° 5, extrait.

Du village de Vindelles fut esleu pour Francarchier Guillot le bridé, tant pour sa hardiesse, mesmes au plat, que pour la grandeur de son corps, car beau Mastin estoit, sil eust voulut mordre, & croy aussi quil estoit gentilhomme à cause dun pré, que son pere vendit, & portoit en ses armes une escuellee de choux, billette de lard. Ce venerable, & discret Guillot, un jour estant à sa garnison-pour que les Canarriens faisoyent mine de descendre) & là ne feit pas grands armes, & ne servit que de nombre, se advisa, que si le decours passoit, que sa porree tarderoit beaucoup à planter, en quoy seroit trop lourdement interessé : & pour obujer à tous & chascunz les inconveniens, qui en eussent peu venir, sans prendre congé de son Capitaine, alla faire sa besogne, & alla poyer quelques arrerages quil devoit à sa femme, ou pour rien ne se vouloit laisser encourir, car il les eust payees au double, interest & tout , se il neust voulu estre battu.