Faits et gestes des villageois des environs de Rennes au XVIe siècle. Extrait de Propos rustiques de maistre Léon Ladulfi, Champenois par Noël du Fail, page n° 4, extrait.

Et pour ce, que les banquets & festins de noz antecesseurs se offrent, il faut penser, que non moins estoyent de bonne doctrine, que bien instruicts, non que je vueille mesurer la consequence dun banquet, en varieté, & magnifique apparat de mangeries, choses que ne cognoissent ces bonnes gens : car leur estoyent incongnneuz, Poyure, Safran, Gingembre, Canelle, Myrabolans à la Corinthiace, Muscade, Giroffle, & autres semblables resueries, transferees des Villes en noz Villages, quelles choses tant sen fault, quilz nourissent le corps de lhomme, quilz le corrompent, & ou tout mettent au neant, sans lesquelles, toutesfois un banquet de ce siecle est sans goust, & mal ordonné, au jugement trop lourd de lignare & sot peuple.