I -Juhaël de Malestroit vivoit du temps des Ducs Alain 4. du nom, dit Fergent,& Conan 3. dit le Gros,& l'an uvnze cents dix neuf, assista avec les autres Barons & Seigneurs de Bretagne aux funérailles, & obseques dudit Alain Fergent, enterré en l' Abbaye de Redon, en laquelle sept ans auparavant il avoit pris l'habit de saincte conversion.
II -Pean de Malestroit son fils, se trouva à Redon l'an unze cents vingt sept, à ceste célèbre & solennelle assemblée des Prélats & Seigneurs de Bretagne, pour faire la consécration du grand & maistre Autel de l'Eglise de Redon,& y furent Hildebert Archevesque de Tours, & les Evesques de Rennes, Nantes, Vennes, Cornouaille, Léon, & sainct Malo : car ceux de Treguer, & de sainct Brieu ne sy trouverent, par ce qu'ils recognoissoient celuy de Dol pour leur Metropolitain. Et des séculiers y assistèrent le DucConan 3. sa mere Ermengarde, & la plus grande partie des Barons & Seigneurs du pays.
III -Judicaël de Malestroit son fils & héritier principal estoit avec ledit Duc Conan le Gros, allant faire la guerre à Guillaume sire de la Guerche & de Pouencé,pour avoir retiré en sa terre Robert sire de Vitré, que le Duc avoit déshérité, & chassé de fa terre de Vitré, lors que lesdits seigneurs de la Guerche & Vitré deffirent les gens dudit Duc au Pont de Viseiche, l'an unze cens quarante & trois.
IV -Pean 2. du nom, sire de Malestroit, l'an unze cents nonante & six, se consedera avec les autres Barons & Seigneurs du pays, pour le service de la Duchesse Constance, & son petit fils le Prince Artur, pour les deffendre de l'oppression du Roy Richard d'Angleterre. Et l'an douze cents deux,il se trouva aux Estats tenuz à Vénes, avec les Prélats & Seigneurs de Bretagne, pour aviser des moyens de faire la vengeance de l'assassìnat commis en la personne dudit Artur par son autre oncle Jean Roy usurpateur d'Angleterre. Et l'an douze cents vingt cinq, approuva aussi les privileges octroyez aux habitans de sainct Aubin du Cormier, par le Duc Pierre Mauclerc. De Pean second du nom sire de Malestroit, vint par succession de temps & représentation de personne, autre :
V -Pean aussi sire de Malestroit, qui fut le 3. du nom, & vivoit l'an mil deux cents quatre vingts & neuf, comme i'ay trouvé en un acte daté du tiers jour âpres la sainct Hilaire audit an, & est ledit acte au Trésor des Chartres de ce pays, en laTournevue du Chasteau de Nantes. Il eut deux fils,sçavoir :
VI -Geffroy de Malestroit, Chevalier, sire dudit lieu de Malestroit, qui fut pere de Jean de Malestroit aussi Chevalier, & de Pean de Malestroit : & Henry de Malestroit, qui fut Maistre des Requestes chez le Roy Philippe de Valois, puis se fist homme d'Eglise. Du vivant de ces deux freres, & l'an treize cents quarante & un, mourut sans enfans le Duc Jean 3.du nom, apres la mort duquel, l'emeut la guerre civile en Bretagne, pour la succession au Duche entre Jean de Bretagne, Comte de Montfort l'Amaury, frère du deffunct, & Charles de Chastillon dit de Blois, & Jeanne de Bretagne Comtesse de Peinthievre sa femme, niepce dudit deffunct, fille de son feu frère Guy, qui estoit mort avant luy. Ledit Geffroy de Malestroic estoit Capitaine du Chasteau d'Aulray,& Messire Yves de Trezuiguidy commandoit en la ville pour Charles de Blois... Le Duc de Normandie, fils aisne du Roy de France, vint avec une puissante armée, pour faire lever le siège de Vennes. Alors ceux qui estoient devant Renrs s'en retournèrent au Roy Edouard au siège de Vennes, qui fut long, pendant lequel deux Cardinaux envoyez par le sainct Pere, moyennant une treve entre les deux Roys Philippe de France & Edouard d'Angleterre, qui devoit durer depuis le jour de la sainct Michel, treze cents quarante et quatre jusques à trois ans ensuivans, finissans au mesme terme. Apres lequel accord le Roy Anglois alla à Hennebond voir la Comtesse de Montfort, où estant fut faict eschange du Baron de Stratfort Anglois, avec Messire Olivier de Clisson, lesquels avoient esté prins de part & d'autre devant Vennes : dont le Roy de France eut opinion que le sire de Clisson avoir tourné sa robe, & promis la foy au Roy d'Angleterre. Occasion qu'estant allé à Paris, il fut pris prisonnier par le commandement du Roy, qui luy sist faire son procez & trencher la teste. Au mesme an furent aussi pris jusques à dix Chevaliers, & autres nobles hommes de Bretagne qui avoient servy la Comtesse de Montfort, durant la prison du Comte son mary, du nombre desquels estoit Messire Geffroy de Malestroit , & Messire Jean de Malestroit son fils, tous lesquels furent pris prisonniers à Paris, où ils estoient allez pour aire armes au tournoy, que le Roy y avoit faict assigner. Et sur accusations d'avoir favorizè le Roy d'Angleterre, & Messire Robert d'Artois, lors qu'ils vindrent en Bretagne, furent mis hors du Chastelet de Paris, & traînez jusques aux Halles, où ils eurent les testes tranchées la vigile sainct André audit an 1344. puis âpres furent leurs corps trainez au gibet, & là pendus. De laquelle exécution, qui sembla à aucuns trop cruelle, arriverent au Roy de France beaucoup de maux & inconvenients, come l'on peut voir en l'histoire. Et non content de ce, le Roy Philippe fist prendre en Bretagne Maistre Henry de Malestroit, lequel estoit clerc & Diacre, & avoit este Maistre des Requestes de l'hostel dudit Philippe. Et pour ce que l'Evesque de Paris le demanda comme Clerc, le Roy le luy fist mener en sa cotte sans chaperon lié de chaifnes de fer, en un toubereau sur un gros bois mis de travers afin de le vilipéder, & que tous le peussent mieux voir à leur aise. Puis apres par commission que ledit Philippe impetra de le dégrader de Diacre & de tout autre ordre, le fist mettre en une eschelle,& monstrer à tout le peuple de Paris, lequel meu seulement à la faveur du Roy, le lapidèrent, tellement qu'il mourut trois jours âpres. Voylà la fin tragique de ces Seigneurs de Malestroit, qui portoient de Malestroit en leur surnom , & en leurs arm es, de gueule à 9 besans d'or sans nombre.
VIII -Pean de Malestroit second fils de Geffroy susdit, luy íucceda l'an treze cents quarante & quatre, & fut 3 du nom, Seigneur de Malestroit, comme j'ay apris d'un acte daté de l'an treze cents quarante & cinq. J'en ay trouvé son alliance matrimoniale, non plus que de ses prédécesseurs, ny en quelle annee il mourut ; mais il est certain que celuy qui luy succéda à la seigneurie de Malestroit avoit nom :
IX -Jean de Chasteaugiron (voir De la Maison de Chateaugiron à la Maison de Derval), qui retint le nom de Chasteau-giron , & print lesdites armes de Malestroit. Car j'ay veu un acte és archives de Chasteau-brient, daté du jeudy apres le Dimanche, auque l'on chante en saincte Eglise, Latare Ierusalem à l'Introite de la Messe, qui fut le 20.de Mars, l'an treze cents septante, selon la supputation ancienne mais treze cents septante & un, selon la moderne, auquel noble homme Monsieur Jean de Chasteau -giron, mary de Jeanne de Dol, se titre & nomme Seigneur de Malestroit & d'Oudon le septiesme jour de Novembre l'an treize cents septante & quatre deceda Jean de Chasteau-giron,seigneur de Malestroit, &fut enterré soubs le pepitre du choeur, où on lit l'Evangile. J'ay veu autre acte és susdites archives, daté du vingt & uniesme jour de Septembre, l'an treize cents cinquante & deux, par lequel il conste que noble homme Hervé de Chasteaugiron, seigneur d'Oudon vivoit ceste annee là.
