Le Chasteau de Landaì est scitué en la paroisse de Laboussac en l'Evesché de Dol, sur un ruisseau nomme Landal, duquel il porte le nom. Du temps de nos Ducs il estoit de grande importance & scruoit de frontière, & y mettoient Capitaines & Lieutenants, & grosse garnison pour la conservation & defìence de leur pays, & pour se prevaloir contre leurs ennemis du costè de la Normandie, & les empescher de courir & piller le païs Dolais, d'Entrain, & Basogeais. Ce chasteau est fortifié de cinq belles & fortes tours & basse-court, & comme environ la moitie circuit de bonnes & grandes douves, & de l'autre partie y a grand estang qui fait closture audit Chasteau, de manière que sans basteaux il est impossible d'en approcher. Jan de Partenay, seigneur de Parrigné, Capitaine dudit Chasteau, & Jan Pépin, sieur de la Bruiere son Lieutenant furent tuez à la rencontre de sainct Aubin du Cormier, en I'an 1488. Ce chasteau est le chef & siège d'une belle, bonne, nobIe, & ancienne seigneurie, qui s'estend & a cours és parroisses de Laboussac, de Cuguen, de Combour, de Bonnemain, de Plergat, de Plenefougere, de sainct Ouen de la Rouerie, de Nostre Dame de Dol, de Mont Dol, du Vivier, de Hirel, de la Freínaye, de Cherruiers, de sainct Bouladre, de Bagar Pican,& d'Espinac,qui font seize parroisses.
Elle est tenue de deux seigneuries, sçavoit de Ia Baronnie & seigneurie de Combour maintenant Coté, & du franc regaire des Evesques de Dol. Le Chasteau & forteresse comme il se poursuit avec ses courts, jardins, bois, domaines, mestairies, estangs, moulins, coulombiers & garennes, hommes, rentes par deniers, froments, avoines, gelines, corvees, coustumes, trespas, communs, fermes droicts, jurisdictions, seigneurie & obéissance que les seigneurs de Landal ont es paroisses de Laboussac & de Cugnen, & en chacunes d'icelles, sauf & excepté le fief des Forges, & le fief de sainct Ladre estans en ladite Paroisse de Laboussac, & sa jurifdìction & ferme, droit qu'ils ont sur iceux fiefs & chacun, est tenu prochement, ligement, nuement, noblement, & à foy, sans aucun devoir de rachapt ne de bail, des seigneurs de Combour, & ce qu'ils ont és Paroisses de Combour, Bonnemain, Plergat, Plene Fougere, & sainct Ouen de la Rouerie, & en chacune d'icelles, sauf & excepté ce que les Seigneurs du Bourgneuf tiennent d'eux en ladite paroisse de Bonnemain, qu'ils tiennent des Evesques de Dol, est tenu de Combour en jouveignourie, & à raison de ce qu'ils tiennent de ladite Court de Combour, tant en ligence que comme jouveigneur d'aiíné, ils s'en delivrent eux & leurs hommes aux plects généraux de ladite Court aux premiers jours d'iceux à congé de leurs personnes, & de leur menée. Et ce qu'ils ont es neuf autres paroisses, qui sont, nostre Dame sous Dol, Mont-dol, le Vivier, Ie Hirel, la Fresnaye, Cherruiers, Sainct Bouladre, Bagar, Pican,& Espinar, ils le tiennent prochcment, noblement, nuement à foy & sans moyen des Evesques de Dol, en leur franc regaire & seigneurie temporeire de Dol, & se delivrent pour eux & pour leurs hommes à congé de leurs personnes & de leur menee aux premiers jours des plects generaux de la dite Cour de Dol. Il y a bon nombre de seigneurs & Gentils-hommes qui tiennent de belles terres, chastellenies, & seigneuries, fiefs & jurifdictions prochement, noblement à foy & nommage de ceste Chastelenie & seigneurie. Les premiers seigneurs de laquelle portoient de Landal en leur surnom, les propres noms desquels ne font venus à ma cognoissance. Depuis elle a esté possedee par ceux qui se nommoient de Mont-sorel, d'Aubigne, de Montauban, de Rohan, & de Maure, ainsì que l'on voira par la généalogie suivante.
I- Hamon de Mont-Sorel seigneur dudit lieu, est le que je trouve avoir tenu & possédé ladite terre & seigneurie de Landal, & vivoit du temps du Duc Alain IV. Du nom. sumomme Fergent, & de son fils Conan III. du nom, surnomme le Gros, il y a plus de cinq cents ans.
II- Geldouin Mont-Sorel, Seigneur dudit lieu, & de Landal, fils de Hamon susdit, du consentement d'Adelise sa femme, de ses enfans Jan & Hamon, de Reverend Pere en Dieu Geffroy le Roux Archevesque de Dol, & de Geldoin de Dol Seigneur de Dol, donna à l’Église & Abbaye de la saincte Trinité de Savigné, & à Geffroy second Abbé d'icelle, & à ses Moynes, en aumosne perpétuelle, sa terre de la Vieuville, avec toutes ses seigneuries & obéissances, appartenances & dépendances, pour y estre basty & édifie une Eglise, Abbaye & Monastère selon la condition, coustumes, constitutions & observances de ladite Abbaye de Savigné, à l'honneur de Dieu & du Sauveur du monde, & de sa benoiste Mere la Vierge Marie.
Je trouve avoir eu pour espouse une Dame appellee Noga,de laquelle il eut un fils nomme Jean, qui fut seigneur de Dol, ainsi que j'ay apris des titres de ladite Abbaye de la Vieuville & de celle de sainct Sulpice. ll nestoit pas aussì seigneur de Combour. Car en ceste saison vivoit Ryvalon Seigneur de Combour, qui fonda le Prieuré de Nostre Dame de Combour dépendant de l' Abbaye de Marmoustier prés son Chasteau de Combour. La lettre de fondation duquel Prieuré j'ay veuë & leue signée & scellee, & en ay fait extraict, & lequel Ryvalon de Combour avoit pour espouse une Dame nommée Aremburge, de laquelle il eut quatre fils & deux filles dénommez en un acte datté du moys de januier l'an 1149. sçavoir : Guillaume, Jean , Geldoin, & Geffroy, Rantelme & Aduise, & se dit estre fils de Hemon de Combour & de Rantelme sa femme. Ce Geldoin s'appelloit donc de Mont-sorel comme la suitte de l'histoire le fera veoir clairement. Il laissa trois enfans de ladite femme Adelise, sçavoir,
1° Jean de Mont-Sorel, qui suit
2° Hamon de Mont-Sorel,
3° Zacharie de Mont-sorel, qui fut fait Chevalier en Angleterre, & estant de retour en Bretagne il donna à l'Abbaye de la Vieuville une mestairie nommée Perioc, qui luy estoit escheue de la succession de ses pere & mere. Et approuva aussi & confirma tout ce que ses hommes, sujets & vassaux avoient donne à ladite Abbaye. L'acte de ce don est datté de l'an 1065. par lequel il se dit estre fìls de Geldouïn fondateur d'icelle Abbaye.
III- Jean de Mont-sorel, Seigneur dudit lieu & de Landal, fils aisné de Geldoin & d'Adelice, engagea la terre & seigneurie de la Ville- Alent aux Abbez Religieux & Convent de la Vieuville pour la somme de vingt liures douze sols de la monoye d'Angers, ainsi qu'il conste par acte estant en ladite Abbaye datté de l'an 1171. Il la dégagea depuis, & la bailla à son fils aisné Guillaume pour l'entretien de sa personne & de son estât. Il fut présent a l'accord fait entre Moyse Abbé,& les Moynes de la Vieuville d'une part, & nobles gens Guillaume fils d'Alain & Estaisse sa femme (leurs surnoms ne sont exprimez en la lettre d'accord) d'autre, touchant la terre de la Bigoterie, laquelle lesdits Abbé & Moynes & leurs prédécesseurs avoient euë & possédée pacifiquement du don de leurs premiers fondateurs l'espace de quarante ans, mais du temps de Roland eíleu Archevesque de Dol (son eslection fut le jour saint Martin l'an 1177.) & dudit Jean de Mont-sorel seigneur de Landal, lesdits Guillaume & femme intentèrent procès contre lesdits Abbé 8c Convent pretendans ladite terre leur appartenir, lequel procès alla jusques devant le sainct Pere de Rome, qui délégua Guillaume Evesque du Mans & l'Abbé de Clermont prés Laval de l'ordre de Cysteaux pour en cognoistre & en juger, lesquels ayans appelle avec eux Guillaume de Dinan Chanoine & Doyen de Dol, Jean de Mont-sorel Seigneur de Landas, fils de Geldoin, Guillaume fils dudit Jean, Zacharias fils de Geldoin & frère dudic Jean, Hugues d'Evran, Anger de Bagar, Mathieu du Breil, de plusieurs autres Venérables & discretes personnes, firent accord & composition entre parties, qui fut tel que Iesdits Abbe Moyse & ses Moynes donnèrent cent sols ausdits Guillaume & femme, & ils leurs cédèrent & quittèrent tout & tel droit qu'ils avoient ou pouvoient avoir & prétendre sur & en ladite terre de la Bigoterie. Et est tout ce que j'ay trouvé dudit Jean de Mont-sorel, fors qu'il eut quatre fils, sçavoir
1° Guillaume de Mont-Sorel, qui suit
2° Robert de Mont-Sorel
3° Olivier de Mont Sorel, qui fut pris au siège de Dol l'an 1173. avec Raoul Baron de Fougères & autres nobles des pays Dolais & de Fougerais par Henry second du nom Roy d'Angleterre & Duc de Normandie, comme nous l'avons remarque au chapitre des Barons de Fougères.
IV- Guillaume de Montsorel Seigneur dudit lieu & de Landal, fils de Jean susdit, jouït de la terre & seigneurie de la Ville-Alent que son dit pere luy avoit baillé pour l'entretien de ía personne & de son estât attendant la totalle succession de pere & de mere, partie de laquelle il donna aux Abbez & Convent de sainct Sauveur & de nostre Dame de la Vieuville fondée par son ayeul Geldoin, pour accroistre & augmenter leur estang, qu'ils avoient eu du don de sondit ayeul sur le ruisseau nommé Landais & ce du consentement de son pere Jean fils dudit Geldoin, & de ía fille Mahaut, la veusve de son premier mary, ainsi que i'ay appris d'un tiltre de la dicte Abbaye, il succéda depuis à son dit pere Jean, à la seigneurie de Landal. Du vivant dudit Guillaume, Yvon de la Jaille seigneur dudict lieu, Chevalier, donna à ladite Abbaye de la Vieuville la dixme qu'il avoit & luy appartenoit sur & en la terre de la Hareliere, &• ce du consentement de ses frères Pierre de Moustiers , Geffroy, Thehel, & Guerrif. La lettre de donaison est scellée du sceau de Geffroy Duc de Bretaigne à cause de sa femme Constance Duchesse de Bretaigne. Ledit Yvon donna aussi à ladicte Abbaye une mine de froment de rente pour l'ame dudit Geoffroy, & pour la sienne, & pour celles de ses amis. Hervé de Tremigon donna aussi à ladite Abbaye deux journaux de terre arable, & un pré sis près la ville Toumen à la fontaine sainct Martin , & ce du consentement de Guillaume de Mont- Sorel seigneur de Landal, duqueI les choses données estoient tenues. Il ne laissa qu'une fille pour heritiere nommée Mahaut de Mont-Sorel.
V- Mahaud de Mont-Sorel, Dame dudit lieu de Landal, fille de Guillaume susdit, fut mariée trois fois. Son premier mary, duquel je n'ay trouvé le nom, deceda avant ledit Guillaume & Jean son pere. Raoul d'Aubigné fut son second mary, & Jean Pinel fut le troisiesme. Beaucoup de choses se trouvent és tiltres de l'Abbaye de la Vieuville de Raoul d'Aubigné son second mary. Il confirma aux Abbez & Convent d icelle Abbaye le don que Guillaume de Mont-Sorel pere de sa femme Mahet leur avoit fait de celle portion de la terre de la Ville-Alent pour augmente leur estang, & toutes les autres donatíons qui leur furent faites de son temps en sa terre de Landal, tant en fief qu'en domaine, & ce du consentement de sa femme Mahet, par & a raison de laquelle il possedoit celle seigneurie, en présence de Guillaume Chanoine de Fougères, c'est a dire de sainct Pierre de Rillé prés de Fougères, de Philippe d'Aubigné & Olivier son frère, de Gilon de Melece, de Raoul du Fail, de Pierre de Querlouel, de Geldoin de Badêron, & autres. De son temps, les enfans de Guillaume fils d' Alain âpres la mort de leur pere usurperent les prez de Trevidal que Geldoin de Montsorel seigneur de Landal, bisàyeul de Mahet de Mont-Sorel, sa femme, avoit donné à ladite Abbaye de la Vieuville lors qu'il la sonda. Les Abbé & Moynes en firent plainte audit Raoul comme à leur fondateur, & parce que lesdits prez estoient de son fief, eux appellez en jugement desavouëret lesdits prez estre du fief dudit Raoul, & dirent qu'ils les tenoient de Gervais de Baderon comme de leur aisné, & de l'esleu Evesque de Dol comme leur supérieur. Alors les Abbé & Moynes s'addresserent à Gervais de Baderon, & le prierent de leur faire droit ainsi qu'avoit fait son feu pere Guillaume, ce qu'il fit & déclara que lesdits prez estoient tenus dudit Raoul d' Aubigué. Ce que Jean l'esleu Archevesque de Dol trouva mauvais, disant que les terres susdites, que les Moynes repetoient, devoient estre tenues de luy. Là dessus on flst des enquestes, & furent plusieurs tesmoins ouys, lesquels ayans dit & dépose, que lesdits prez estoient du fief de Raoul d'Aubigné, la cause fut plaidoyée à Laboussac en la Cour dudit Raoul devant plusieurs Chevaliers & sages hommes, prudens,& discrets, qui jugerent que les enfans de Guillaume ne pouvoient rentrer en possession desdits prez, puisque dés le commancement du procès ils avoient desavoùé les tenir de Raoul, auquel ils les adjugerent & incontinent il en investit les Moynes. Tout ce que dessus est escrit, prouve & justifie la généalogie & succession des seigneurs de Landal, & qu'ils font fondateurs proches & immédiats de l'Abbaye de la Vieuville sous la supériorité des Ëvésques de Dol & des seigneurs de Combour, & qu'ils s'appelloient de Mont-sorel en leur surnom, & non pas de Dol comme la escrit maistre Pierre le Baud, qui n'avoit pas pris la peine de lire & considérer curieusement & attentivement tous les tiltres de ladite Abbaye de la Vieuville,ce que j'ay fait, & en ay tiré le discours précédent
Ledit Gervais de Baderon donna à ladite Abbaye la terre de la Vilie-Herebert entièrement auec toutes ses appartenances & dépendances, & toute sa dixme de Laboussac, & la moitié de la disme de la Ville-Hervé, & approuva & confirma toutes les aumosnes qu'on leur avoit donné en son fié, sçauoir les prez deTreuidal, la quarte partie de la Hareliere, & toutes les autres qu'ils avoient du fié de les predecesseurs & ce du consentement de Jean Baderon son frère, & de Nicole de Baderon leur soeur, & de Jean Mocon mary de Nicole, & des enfans d'elle, en présence de M. Abbé,de G. Barbot, de R. Bardol, de Raoul de Combour, Chevaliers. Toutes lesquelles choses confirma & approuvá Raoul d'Aubigné, à cause qu'elles estoient du fié de sa femme Mahet. Raoul d'Aubigné fit le voyage de la terre saincte, & alla en Hierusalem. Mais avant que partir, il donna à l'Abbaye de Vieuville, du consentement de Mahet sa femme Dame de Landal, quatorze acres dé terre en un lieu nommé Lostrot tesmoings Guillaume du Boissay, A. de Minac, G. Barbot, RaouI de Combour, E. de Litré, Pierre de Querloel. Guigon de Cobar Chevalier alla avec luy, & avant que partir il donna à ladite Abbaye tout son domaine du Pleílìs, en présence de Geffroy de Millac, dé Roland deTrfmigon & de Robert Gruel, Chevaliers. Pierre de Querloel alla aussi en Hierusalem avec Raoul d'Aubigné avant que partir, il donna à ladite Abbaye les deux parts de la disme de sa terre de Marci, qu'il tenoit comme jouveigneur d'aisné, à cause de sa femme, de Geldoin fils de Geffroy de Hirel. Lesquels dismes estoient du fief Geffroy l'Espine lors Seneschal de Dol, ainsi qu'il tesmoigne par ses lettres, le tout tenu dudit Raoul d'Aubigné & de sa femme Mahaut de Mont-sorel, sieur & Dame de Landal, & de Mont-sorel à cause d'elle. Et est tout ce que j'ay trouvé dudit Raoul d'Aubigné second mary de ladite Mahaut. Jean PaineI, Cheualier, d'une noble & ancienne maison en Normandie, fut le troisiesme mary de Mahaut de Mont-sorel Dame dudit lieu & de Landal, & à cause d'elle il fut aussi seigneur desdits lieux. Ce qui se prouve par une enqueste dattee de l'an 1226. faite par Guillaume Seneschal de Renes, du commandement de Pierre Mauclerc Duc de Bretagne, ayant le bail & garde de Jean son fils mineur d'ans & de la deffuncte Duchesse Alix, & de la volonté & consentement de Jean de Lesennel Evesque de Dol, qui présent estoit à ladite information, pour sçavoir combien l'Evesque de Dol doit de Chevaliers pour le service du Duc en ses armées, à cause de son franc regaire & des terres qu'il tient de la Couronne Ducale, & fut trouvé par tesmoings, qu'a l'Evesque de Dol sont deus dix Chevalicrs en fondit franc regaire, lesquels il doit au Duc pour son service, & que le premier jour ils vont à leurs frais & despens, mais si le Duc les retient pour la deffence de la Bretagne ou pour son service, il Ies doit deffrayer à ses despens. Que le seigneur de Combour est l'un des dits Chevaliers & doit porter, Vexillum Episcopi la Bannière de l'Evesque, & que Hasculphe de Soligne mary d'Yseldis Dame de Dol & de Combour, fille de Jean de Dol seigneur des dits lieux, pere de Jean de Dol, la porta du temps de Richard Roy d'Angleterre (il gouvernoit la Bretagne avec Constance Duchesse mere de son nepveu Artur) Et que Monsieur Raoul d'Aubigné (mary de Mahaut de Mont-sorel Dame de Landal) avoit fourny deux Chevaliers du temps dudit Richard, à cause du fief de Geldoin fils de Hamon (ce fief est le fief de Landal possédé par Geldoin de Mont- sorel fondateur de l'Abbaye de la Vieuville, comme il est bien prouve cy-devant ) & qu'audit an 1116. Jean Painel seigneur de Landal (à cause de sa femme Mahaut) devoit deux Chevaliers (à cause dudit fief Geldoin fils de Hamon, qui est le fief de Landal) & est le teímoignage de Guillaume de Boderat Chevalier & l'un desdits dix Chevaliers. Guillaume de Lanvalay Chevalier testifia aussi & deposa que le fief de Geldoin fils de Hamon doit deux Chevaliers, lequel fief Geldoin fondateur de la Vieuville est le fief de Landal que tenoit lors de ladite enqueste ledit Jean Painel, à cause comme se voit clerement de sadite femme Mahault. La lettre d'enqueste est escrite sur parchemin en termes latins, signée, & scellée d'un seau de cire verte, auquel est gravé in homme à cheval tenant une espée des gainée eslevèe la pointe en hault, & à l'entour du seau est escrit. Sìgillum Guillelmi Seneschali Redonensis, laquelle me fut communiquée l'an 1614. par le Reverendissìme Evesque de Dol, Messire Anthoine de Revol. Ledit Jean Painel mourut quelque temps âpres, & ladite Mahaut sa femme estant veuve donna à Dieu & à la bien-heureuse Vierge Marie du Tronchet & aux freres servans à Dieu audit lieu, & au Chapelain de sa Chapelenie de Mont-sorel toutes les dismes qu'elle avoit en toute la Paroisse d'Espinac. Du mariage de Raoul d'Aubigné & de Mahaut de Mont-sorel demeura un fils nommé.
Armoiries d'Aubigné
VI- Raoul d'Aubigné, qui succéda à sa mère. second du nom, seigneur de Landal & de Mont-sorel fils du susnommé Raoul d'Aubigné & de Mahaut de Mont-sorel, vivoit és ans 1247. & 1249. ainsi comme j'ay trouvé en deux actes és Archives du Chapitre de Dol en termes Latins. L'autre acte est date de l'an 1249. par lequel ledit Evesque Estiene donna aux Chanoines & Chapitre de son Eglise de Dol toutes les dismes des terres appelées les reaiges, &c e du consentement de Raoul d'Aubigné Seigneur de Landal, duquel lesdites dismes estoient tenues. Il eut un fils nomme
VII- Guillaume d'Aubigné seigneur de Landal fils de Raoul susdit du consentement de sa femme Philippe, & de sa fille Mahaut, donna la terre de la Ville-Alent à l'Abbaye de la Vieuville. Voyci les lettres de donaison : A tous ceux qui ces présentes lettres verront & orront:Guillaume d'Aubigné Chevalier seigneur de Landal Salut en nostre Seigneur. Sçachent tous que nous de certain propos, de pure, bonne & vraye conscience, de la volonté & assentement de Philippe nostre tres- chere & bien-aimée compagne, & de Mahaud nostre fille, suffisamment de nous authorilée quand à toutes les choses qui ensuivent, pour le salut & remède de nos ames, de nos pères, meres, predecesseurs & successeurs, avons donné & octroyé, & encore donnons & octroions à héritage à tousjours mes à Dieu & à l'Eglise nostre Dame de la Vieuville, & Religieux dudit lieu, en pure & perpetuelle aumoûne, tout nostre manoir & domaine de la ville Alent o toutes les terres, prez, & appartenances dudit manoir, o tous les droicts seigneuriaux & noblesses que nous y avons... Et est tout ce que j'ay trouvé dudit Guillaume d'Aubigné.
